منتديات الحب الاول والاخير والرائع والممتع
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 فتاة تروي قصتها مع بويتها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزعيم
المدير العام
المدير العام
avatar

عدد الرسائل : 136
العمر : 37
تاريخ التسجيل : 27/10/2008

مُساهمةموضوع: فتاة تروي قصتها مع بويتها   الخميس أكتوبر 30, 2008 11:43 pm

فتاة تروي قصتها مع بويتها

--------------------------------------------------------------------------------

قوه شباب بنات اشلونكم شخباركم حبيت انقل لكم هذي القصة الحقيقية التي حصلت لأحدى صديقاتي ،

حتى تأخذون الحذر من البويات ، ومابي اطول عليكم واخليكم مع القصة.


الفتاة تروي لي قصتها:

أنا فتاة بالثانوية عمري 17 سنة وعندي وايد صديقات ومن بين صديقاتي في بويات وليدياتهم ((ليدي إهيا

حبيبة البوية)) ، وكانت في بويه وهذي البويه صديقة صديقاتي وماكنت اعرفها ولا احتك فيها، وكانت كله

اتطالعني ولمن اطالعها تبتسم لي وكنت ابتسم ، طبعا انا فتاة كلمت من قبل واحد وكنت احبة وااايد بس

للأسف طلع خاين وغدار ومن بعدها كلمت غيره وتركني فبعدها بطلت وقمت اكره الشباب، المهم صار اليوم

الثاني جان تي لي هذي البويه اتقولي اشرايج انكون اصدقاء جان اقولها اوكي عادي انكون اصدقاء جان اتقولي

خلاص هذا رقم تليفوني عشان اندق انسولف مع بعض ونتعرف عليج اكثر ، عاد انا خذيت رقمها وكنت

مستانسة لأن البويه كانت حلوة وجنها واحد بس طبعا اهيا كانت احلى من الشباب ، المهم رجعت البيت وكلمت

البويه وبدت المحادثة بالطريقة:


البنت: ألووو قوه

البويه: هلا والله مابغينا نسمع هالصوت ((مخشنا ومثقله صوتها وتتكلم مثل واحد))

البنت: ((مستانسه وتضحك))

البويه: فديت هالضحكه

البنت: مشكوره

البويه : عفوااا قصدج مشكور

البنت : إي سوري

البويه:لا عادي ولوو ، معاج عبدالله وعمري 19 ((كل البويات يسمون روحهم اسامي شباب))

البنت: عبدالله؟؟؟؟

البوية: أي ليش مستغربة شفيج انا بويه صج اسمي العنود بس انا ماعترف فيه ولا ابيج اتناديني

غير بسم عبدالله.

البنت : أوكي ((تضحك)) انا رغد

البويه: فديتج وفديت هالاسم الحلو

البنت: مشكوره اقصد مشكور

البويه : ولوو


المهم صارت اول محادثة جذي بينا ، وقمت اشوف البويه بالثانوية ونقعد مع بعض ونسولف وجذي ، ومره

من المرات قالت لي تعالي معاي الحمام بعطيج شي ، جان اروح معاها جان تعطيني تليفون وخط وتقولي

اخذيهم عشان نقدر انسولف على راحتنا ومتى مانبي ، جان اخذهم وخشهم ، المهم خلصت المدرسة

ورجعت البيت اتغديت ونمت وقعدت الساعه 9 طالعت تلفزون ولمن صارت الساعه 2 والكل كان نايم

بالبيت جان ادق على البويه ، واكلمها جان اتقولي:

البويه: أنا الصراحة انعجبت فيج واااايد وابيج.

البنت: ((تضحك))

البويه: اشفيج تضحكين ترى من صجي انا احبج

البنت: ((ساكته))

البويه : ليش انتي ماتحبيني؟؟

البنت: امبلا انا احبج بس احنا صديقات.

البويه: أنا قلت لج لاتكلميني بصفه انوثه كلميني مثل ماتكلمين واحد.

البنت: سوري سامحني بس مادري شلون .

البويه: شنو ماتدرين المهم بس كلميني على اني واحد.

البنت :اوكي خلاص

البويه: احبج.

البنت: شكرا

البويه : بس شكرا انزين قولي لي احبك بعد.

البنت : ((مستغربه من الوضع))

البويه:امممممممممم

البنت: انا لازم انام باجر عندي مدرسة
البويه: وانا تبين اتخليني بروحي؟

البنت: والله فيني النوم باجر اشوفك بالثانوية ونقعد انسولف

البويه: اوكي

البنت :يلا تصبح على خير

البويه :وانتى من اهله

البنت: يلا عيل باي

البويه: بس !!!!!

البنت: بس شنو؟؟

البويه: وين بوستي

البنت:ههههههههههههههههههههههههههه

البويه: وينها ؟؟؟؟

البنت: بااااي بنام

البويه : أفا اوكي باي



المهم قعدت طول الليل افكر بكلامها لمن قالت لي احبج وابي بوسه وانها تبيني وعجبه فيني ، وصار اليوم

الثاني جان اروح اقول حق ارفيجتي عن البويه واللي قالته لي ، جان ارفيجتي اتقولي بعد اشتبين البويه

معجبة فيج وتبيج ، جان اقولها شنووو؟؟؟ بس هذي بنت ، جان اتقولي لو اهيا بنت جان ماقالت لج هالكلام

، اهيا تعتبر واحد من هالشباب وصدقيني جربيها راك اتقولين تف عشباب وعلى اشكالهم وجان زين

كلمت هالبويه من زمان، المهم جان اسكت ورفيجتي رفعت معنوياتي وشيشتني على انه امشي مع هالبويه

واكمل طريجي معاها ومحد يتصور انه كلام ارفيجتي صح ، فهذي البويه مو بنت ولد تبي اللي يبونه الشباب

وحتى كنت اسوي اشياء مو زينه مع هالبويه في حمامات الثانوية منها واقل شي اقدر اقولكم كانت اتبوسني

, وكنت اروح بيت ارفيجتي واهيا اتكون اهناك عشان اشوفها وحبيتها بشكل مو طبيعي وكنت اقول مع نفسي

انا ليش كلمت شباب ليش ماكلمت بويات من قبل ، تدرون ليش كانت اتدلعني وتسويلي كل شي اطلبه منها

وابي وولا مره رفضت لي شي وكانت واااايد اتغار علي ، ومره من المرات صارت سالفه جان اتهاوش

مع هالبويه وماكلمتها بعدها وولا اهيا كلمتني ، وكنت اقعد ابغرفتي ابجي من اللي سويته مع هالبويه،

وكنت اقول حق نفسي شلون انا سويت جذي وشلون قصت علي ، وانا للحين صدقووني ابجي وأطق نفسي

من اللي سويته مع هالبنت ، والحين قمت كل مااشوف بويه اتفل ابويها ، وكنت متمنيه اللي سويته مو مع بنت

مع واحد ، فأنا الحين اعتبر شذوذ.



طبعاا قريتوا قصه البنت مع البويه وشصار بينهم وانا حبيت انقل لكم هذي القصه عشان البنات مايصيرون

ضحايا البويات مثل ماصارت حق هذي الصديقه اللي بعد ماقالت لي هالقصه تركتها ، وطبعا بنات ديروبالكم

من البويات ، ويا امهات لاتخلون بناتكم ايرافجون بويات ، ويا شباب اذا شفتوا اختكم اترافج بويه فخلوها

تقطع هالعلاقه .


وشكرااا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://7opbgad.yoo7.com
 
فتاة تروي قصتها مع بويتها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي حب بجد ( الحب الاول ) :: هوايات واعمال :: قصص وروايات-
انتقل الى: